Кошаль Петр Агеевіч, (псеўд. Уладзімір Яруга), беларускі і расійскі паэт, перакладчык, гісторык. Нарадзіўся ў сям’і чыгуначнікаў у Слуцку. Бацькам паэта часта даводзілася мяняць працу і месцапражыванне. У 1952 годзе  сям’я пераехала на Сахалін, П. Кошаль атрымаў сярэднюю адукацыю ў пас. Смірных. Два курсы філалагічнага факультэта педінстытута скончыў у Южна-Сахалінску (1966), трэці курс – у Бельцкім педінстытуце ў Малдавіі. Пачуццё любові да роднай Беларусі захавалася ў сэрцы, а потым загучала ў вершах паэта. Пасля заканчэння інстытута настаўнічаў на Магілёўшчыне, выкладаў фізіку, русскую літаратуру ў васьмігадовай школе в. Крынка Асіповіцкага раёна. У 1973 паступіў у Літаратурны Інстытут імя А. М. Горкага, які завочна скончыў у Маскве (1979). З 1975 жыве і працуе ў Маскве: рабочы аўтамабільнага завода, з 1976 – старшы рэдактар “Тэлепрэсгандальрэклама”, з 1982 – рэдактар, старшы рэдактар выдавецтва “Советский писатель», курыраваў перакладную паэзію Украіны, Беларусі, Паўночнага Каўказа. В 1979 году был принят в Союз писателей СССР. 

 Друкуецца з 1963 года. Першыя вершаваныя творы былі апублікаваны ў сахалінскіх газетах. Але прызнанне крытыкі да яго прыйшло з вершам “Дзверы адчыняюцца, уваходзіць бацька…”. Яго паэзія нараджаецца ад сардэчнага агню і света думкі. Вершы друкаваў у часопісах “Юность”, “Новый мир”, “Знамя”, “Дружба народов” і інш. Петр Кошаль аўтар зборнікаў паэзіі “Лістота”(1979), “Гарадская зорка” (1981), “Рака Жыццё”, “Такі як ёсць” (абодва 1987) прысвечаны Беларусі, узаемаадносінам чалавека і навакольнага свету. Аўтар кніг дакументальнай прозы “Гісторыя пакаранняў у Расіі. Гісторыя расійскага тэрарызму” (1995), “Гісторыя вышуку ў Расіі” (т. 1-2, 1996). Кніга Кошаля “Гісторыя расійскага тэрарызму” выходзіла на кітайскай і балгарскай мовах. Пётр Агеевіч Кошаль – прапагандыст і перакладчык беларускай паэзіі на  русскую мову. Пераклаў на русскую мову кнігі выбраных вершаў Р. Баравіковай “Светнік” (1982) і Цёткі “Выбранае” (1986), пераклаў і  склаў анталогіі беларускіх паэтаў 1920—30-х г. “Час ветравея” (1987) і беларускай  дзіцячай літаратуры “Чарадзейная крынічка” (1997).   

  Аўтар кніг для дзяцей “Праз наша сяло ляцела памяло”(1994), якая напісана на беларускім фальклорным матэрыяле. На беларускую мову асобныя творы Кошаля пераклалі Т. Бондар, С. Законнікаў, У. Някляеў, Я. Янішчыц. Жыве паэт у  Маскве. Член Саюза пісьменнікаў Расіі з 1979.